Àliga ‘ghenna a ghenna’ in Casteddu. Cumentzat sa cunsigna de iscàtulas
Cumentzat in Casteddu sa cunsigna de sas iscàtulas pro fuliare s'àliga. Est sa prima novidade de su sistema ‘ghenna a ghenna’ ca at a rivolutzionare sa boddidura diferentziada.

S’inghitzu de sa distributzione est prevìdidu pro martis 19 de su mese de nadale cando in sos bighinados de su Poetu e de su Cuartieri del Sole sos funtzionàrios de su Comunu ant a passare in sas domos pro portare  iscàtulas pro s’aliga. Sa cunsinna at a acontèssere intra sas 8 de su mangianu e sa 20 de merie e at a sighire a bia a su 30 de su matessi mese. Si in domo non b’at nemos, sos funtzionàrios ant a providire a un’àtera cunsigna cun adòbiu. 

Chie si siat podet aère iscàtulas e informatziones in cale si siat die, dae sas sete a s’una de su mangianu e da is tres finas a sa noe de su merie, in via Ciusa 133 ue b’at su Tzentru de Informatziones e puru in sas ìsulas ecologicas.